म को हुँ?

नमस्कार! म अनुप हुँ। म एक भाषाविद् हुँ र मसँग यस क्षेत्रमा सात वर्षभन्दा बढीको अनुभव रहेको छ। मैले त्रिभुवन विश्वविद्यालयबाट गणित विषयमा स्नातक गरेको छु र हाल नेपाली विषयमा स्नातक गर्दै छु। मलाई भाषासम्बन्धी कार्य एकदमै मनपर्छ र प्रविधिको सहायताले भाषाविज्ञान र नेपाली भाषालाई सुदृढीकरण गर्ने तथा भाषासम्बन्धी खोज/अनुसन्धान गर्ने ठूलो सपना रहेको छ। मलाई भाषाविज्ञानको साथसाथै प्रविधिको पनि राम्रो ज्ञान छ। समयमा काम पूरा गर्ने, भाषाविज्ञानको अझ सुधारको लागि नयाँ सफ्टवेयर तथा टुलहरूको बारेमा सिक्ने उत्सुकता आदि कुराहरू मेरा केही विशेषताहरू हुन्।

साथै, मलाई यात्रा गर्न र पुस्तकहरू तथा प्रविधिका समाचार र ब्लगहरू पढ्न मनपर्छ।